[植睫毛初體驗]
話說Cress曾經好無知地以為「植眼睫毛」呢回事係真係將毛手術級咁植落眼皮...
顯然，我錯晒！
所謂植，只係將假睫毛痴係真睫毛之上。零風險可言！
.
我既第一次獻左俾一間叫 "L for lashes" 既美睫店，係美國公司黎。
.
一去到，職員就好貼心咁遞上飲品，再略略對公司作簡介。
介紹完，就同我一齊傾植咩款、咩翹度、咩粗幼度咁。
.
美睫師Agnes姐姐就帶左我入房，我訓係床上等佢幫我植。
Agnes動手前會先消毒雙手，都幾注重衛生下咁！房內播住音樂，其實幾放鬆。
.
幫我敷上眼膜後（隔住上睫毛），就正式開始了。講到明係痴睫毛，過程當然完全唔痛啦～不過眼睛始終好敏感，所以自己有少少緊張。
全程都冇話整到我眼皮，冇不適。個零鐘後就完成了～
.
由於係一條痴一條，所以出黎效果都幾自然，並唔會突然好重妝感。
出到黎就係已經畫左眼線＋搽左mascara既效果，成對眼即時sharp左，望落都精神左。
.
仔細睇過，的確係冇接觸眼皮，大概係睫毛根部起1mm 痴上假毛。
而且睫毛都好輕，完全唔覺得加左野，眼皮唔會重。個人覺得，直頭比搽mascara更舒服，更冇感覺呀！(因為平時搽完會痴下痴下咁，好唔自在)
.
完成後送左枝掃仔俾Cress, 叫我早晚梳梳啲睫毛。
.
佢地完全冇sell我，態度又好friendly!
.
總括而言，今次既體驗真係好好，除左環境好、效果好、更加係服務好，令人好愉悅同放心！
值得一提既係，臨走前Agnes強調想我分享經歷同感受，而唔好一味講資料咁，完全冇叫我一定要讚，冇hard sell, 令我更欣賞呢間店。
如果心思思去植睫毛，真心幾推薦呢間！
Search